Make Up of The Day 分享下比較常用嘅化妝品＋好用嘅碎粉＋見底嘅胭脂
//自購// DERMACEPT Vitamin C Multi Protect UV Milk SPF 50 PA++++
幾乎用完了，呢支係物理加化學防曬，質地有少少油，但係唔算太厚，容易推開，泛白都唔嚴重。唔會同底妝打交，化妝前用都唔錯。
//試用// MAKE UP FOR EVER Yellowness Neutralizer Step 1 Primer
唔搽粉底嘅話會搽呢支紫色primer 等皮膚望落無咁黃同暗沉，之後遮瑕膏都可以用少啲。
//自購// HOURGLASS Vanish Airbrush Concealer #creme
仍然好中意覺得好好用，主要用黎遮黑眼圈同埋暗瘡印，唔會乾，持久度都好好，唔算甩得好勁！
//自購// SUQQU Soft Velvet Loose Powder
好正！！！粉質好幼細好滑，無色無閃粉，會有少少blur毛孔嘅效果。冬天用到依家都唔乾，乾皮會中意的，最緊要係上一層就好乾爽，唔會痴笠笠。之後再詳細啲review！
//試用// MAKE UP FOR EVER Go Pro Makeup #I648 #D652 #S114
如果返工唔想用腦嘅話，通常都係用呢盒深啡掃眼尾，淺啡金色打亮，雖然兩隻色都有珠光不過唔會顯眼腫。
//試用// I’M MEME I’M Hidden Card Palette #LoveCard #002
呢盒嘅眼影唔知係唔係因為放得太耐，所以粉質有少少乾，上眼唔係太貼服。反而胭脂就好靚，好似之前勁鍾意嘅3CE Nude Peach，淡杏桃色好百搭易襯。
//自購// DIPTYQUE L’Ombre dans l’Eau Eau de Parfum
最近最鍾意嘅香水，完全係baies 蠟燭嘅香水版。前調係佛手柑加黑醋栗，中調係玫瑰花香，每一次聞到都覺得心情好好，好清新唔會太老太成熟嘅花香，誠意推薦好想買大size！
其他都係之前review過或者經常用嘅嘢就唔一一講啦～
//試用// SLEEK Eyebrow Stylist
//自購// KEVYN AUCOIN The Scrupting Powder #Light
//自購// EXCEL Color Lusting Gel Liner
//自購// KOSE Curl Keep Magic 3-in-1 Mascara Base & Top Coat
//試用// CHARLOTTE TILBURY Hyaluronic Happikiss #RomanceKiss
Search